Зардап шеккендер мен қаза тапқандар жоқ
Алматы-Өскемен автожолында әскери техника тиеп келе жатқан жүк көлігінің жүргізушісі оқыс жағдайда тап болды, деп хабарлайды Qaz365.kz.
«ҚазАвтоЖол» мәліметінше, оқиға 2025 жылғы 15 қаңтар күні сағат 13:40 шамасында «Алматы-Өскемен» автожолының оңтүстік бағытының 56 шақырымында болған.
«Цзефан» автокөлігінің жүргізушісі Заречный ауылы маңындағы өтпежолдан келе жатқанда тралдан екі бірлік әскери техниканы түсіріп алды.
Нәтижесінде техника жүру бөлігіне аударылып, сүйемелдеп келе жатқан «Ssang Yong Actyon» автокөлігімен соқтығысты.
Зардап шеккендер мен қаза тапқандар жоқ», - делінген «ҚазАвтоЖол» хабарламасында.
