Ол 1 млн теңге ақшасын алаяқтың банк карточкасына аударып жіберген
Астана тұрғынына мемлекеттік төлемді уәде еткен алаяқ ұсталды, деп хабарлайды Qaz365.kz.
Бұл туралы Астана қаласы Алматы ауданы ПБ баспасөз қызметі мәлімдеді.
“Астанада тексеріске келген мүмкіндігі шектеулі жан алаяққа алданып қалған. Алаяқ мемлекет тарапынан мүгедектерге берілетін сыйақыны алып беремін деген жолмен алдап, шамамен 1 млн теңге ақшасын өзінің банк карточкасына аудартып алады. Бұдан кейінде ол жәбірленушіден 150 мың теңге ақша беруін талап етеді. Оның әрекетінен күдіктенген қыз полиция қызметкерленіне хабарласып, алданғанын айтады. Алматы ауданы ПБ криминалдық полиция қызметкерлері жедел-іздестіру шаралары барысында алаяқты ұстап, ақшаны өз иесіне қайтарды”, – делінген полиция хабарламасында.
Қазір аталған дерекке қатысты сотқа дейінгі тергеу амалдары жүргізілуде.
