Олар есепке алынбаған газды жинақтап, кейін темір жол арқылы тасымалдаған
Ақтөбе облысында ұйымдасқан қылмыстық топ 12 вагон "әлеуметтік" газ ұрлаған, деп хабарлайды Qaz365.kz.
Бұл туралы ҚР ІІМ Полиция департаментінің баспасөз қызметі мәлімдеді.
“Ақтөбе облысы полиция департаментінің ұйымдасқан қылмысқа қарсы күрес басқармасы прокуратура және ҰҚКД-мен бірлесіп, аталған өңірде кен орнының аумағынан "әлеуметтік" газ ұрлау схемасын ұйымдастырған бір топ адамды ұстады. Фигуранттар газ өндіру саласындағы компаниялардың бірінің жұмысшылары болып табылады. Олар есепке алынбаған газды жинақтап, кейін темір жол арқылы тасымалдаған. Кен орнынан сату орнына бара жатқан жолда ұрланған газ бар 12 вагон ұсталды. Тиісті сараптамалар тағайындалды, нәтижелері бойынша келтірілген шығынның сомасы белгіленетін болады”, – деді ІІМ ұйымдасқан қылмысқа қарсы күрес департаментінің өкілі Қуандық Алпыс
Қазір аталған қылмыстық іске қатысты жедел-тергеу іс-шаралары жалғасуда. Қылмыстық іске қатысы өзге де тұлғалар анықталып жатыр.
