Журналист Руслан Өтепбай әлеуметтік желіде 39 жастағы келіншектің көмек сұраған видеосын жариялады. Тараз қаласының тұрғыны 16 жастағы қызын мешіттің артында зорлағанын айтқан, деп хабарлайды Qaz365.kz.
Бір жыл бұрын қызымды мешіттің артында зорлады. Ол кезде қызымның жасы 15-де болды. Бізге айтпаған. Қаршадай қызым 29 қарашада босанды. Құзырлы орган бала менің екінші күйеуімнен деп отыр. Яғни өгей әкесінен, - дейді 39 жастағы Тараз тұрғыны.
Журналист осыдан соң, қыздың өгей әкесімен сұхбаттасады. Ол әңгіме барысында арым таза деп айтқан еді. Алайда бағдарламадан соң, күдікті ер азаматтың әйелі хабарласып, күйеуіне қатысты тың мәлімет береді. Өзімді ақтау керекпін деген өгей әке, полиция бөлімшесіне табаны тиген бойда барлық жағдайды мойындап, өгей қызымен жыныстық қарым-қатынасқа түскенін растаған екен.
Полиция алып кеткен соң, сол жақта бірден мойындаған. Ол қызыммен 13-14 жастан жыныстық қатынасқа түскен. Екінші рет зорлағанда аяғы ауырлаған. Күйеуім енді сотталады. Қызым қорқып басында айтпады. Кейін мойындады. Осындай азаматпен отбасым құрғаныма өкінемін, - деді қыздың анасы.
