Қазір оқиғаға қатысты тергеп-тексеру жұмыстары жүргізілуде
Семейде полиция көлігі Камазбен соқтығысып қалды, деп хабарлайды Qaz365.kz.
Бұл туралы Абай облысы Полиция департаменті баспасөз қызметі мәлімдеді.
“Патрульдік полиция батальонының экипажы Би-Боранбай көшесін патрулдеп жүрген кезінде қызметтік шақыру түскен. Оқиға орнына бет алған полиция қызметтік көлігі жүк көлігімен соқтығысқан. Алдын ала мәліметтер бойынша, жанармай құю станциясынан шыққан КамАЗ жүргізушісі маневр жасау барысында полиция көлігін байқамай қалған”, – делінген хабарламада.
Жол көлік оқиғасы салдарынан ешкім зардап шекпеген. Қазір оқиғаға қатысты тергеп-тексеру жұмыстары жүргізілуде.
