Қылмыстық іс қозғалды
Желіде Астанадағы тұрғын үй кешенінің лифтінде белгісіз біреу кішкентай балаға пышақ жарақатын салған. Бұл ақпаратқа ПД баспасөз қызметі пікір білдірді, деп хабарлайды Qaz365.kz.
Оқиға видеосы Astanovka98 Telegram-арнасында жарияланған. Онда жасөспірім және кішкентай бала лифтте тұрғанын, артынша кішкентай баланың бетінен жасөспірім бірнеше мәрте белгісіз затпен ұрғанын көруге болады. Одан соң жасөспірім лиффтен шығып кеткен. Полиция өкілдері күдікті ретінде жасөспірім баланың жеке басы анықталғанын хабарлады.
"Оқиғаны тексеру барысында психоневрологиялық диспансер есебінде тұрған кәмелетке толмаған жасөспірім анықталды. Оның заңды өкілдері полицияға шақырылды, олар ата-аналық міндетін тиісінше орындамағаны үшін заңға сәйкес қатаң жауапқа тартылады. Зардап шеккен бала ауруханаға жеткізілді, оған қажетті медициналық көмек көрсетіліп жатыр.
Аталған факті бойынша қылмыстық іс қозғалды.
Шабуыл жасаған жасөспірім қажетті тергеу әрекеттері жүргізілгеннен кейін белгіленген тәртіпке сай бірден оқшауланады", - делінген хабарламада.
