Оған 55 380 теңге көлемінде айыппұл салынған
Маңғыстау облысында мектепке бармағаны үшін 15 жастағы мектеп оқушысының ата-анасына айыппұл салынды, деп хабарлайды Qaz365.kz.
Бұл туралы Маңғыстау облысы Ауданаралық мамандандырылған сот шешім шығарған.
"Маңғыстау облысында 15 жастағы оқушы қыз екі аптадан астам уақыт сабақтан қалып қойды. Нақтырақ айтсақ 17 күн. Мамандандырылған ауданаралық сотта Қазақстан Республикасы ӘҚБтК-нің 127-бабының 2-бөлігімен «Ата-аналардың кәмелетке толмаған балаларды тәрбиелеу және (немесе) оқыту жөніндегі міндеттерін орындамауы» бойынша оқушының ата-анасына қатысты іс қаралды. Қыздың ата-анасы өз кінәсін толық мойындады. Оған 55 380 теңге көлемінде әкімшілік айыппұл салынды», –делінген сот хабарламасында.
Мектеп басшылығының айтуынша, бұл қайталанып отырған бірінші жағдай емес екен.
