Қазіргі уақытта шахтада жұмыс толығымен тоқтатылған
Ұлытаудағы "Қазақмыс" кенішіндегі “Жомарт” шахтасында орын алған төтенше жағдай мен оқиғаның себебі 10 күн ішінде анықталады, деп хабарлайды Qaz365.kz.
Бұл туралы Үкімет отырысында ҚР премьер-Министрінің орынбасары Қанат Бозымбаев мәлімдеді.
“Қазіргі уақытта шахтада жұмыс тоқтатылды. Екі арнайы кіші комиссия құрылды: біреуі апаттың себептерін анықтауы керек, екіншісі қауіпсіздік ережелерінің бұзылғанын анықтауы керек. Кіші комиссиялар өз жұмысын 10 күн ішінде аяқтауы керек. Сондай - ақ тиісті сараптамалар жүргізу жоспарлануда”, – деді Бозымбаев.
Премьер-министр Олжас Бектенов комиссия төрағасы Қанат Бозымбаевтың есебін тыңдап, одан кейін бірнеше тапсырма берді.
“Үкімет атынан шахтадағы апат салдарынан қаза тапқан кеншілердің туған-туыстары мен жақындарына көңіл айтамын.
Марқұмдардың отбасыларына барлық қажетті көмек көрсетіледі. Оқиға орнында тиісті қызметтер жұмыс істеп жатыр. Оқиғанының мән-жайын мұқият тексеріп, зардаптарын жою керек. Қанат Алдабергенұлы, жүргізіліп жатқан жұмыстар барысы туралы үнемі баяндап отырыңыз”, — деп атап өтті Премьер-министр.
