Ол жағалаудан бірнеше шақырым жерде қар бетінде табылған
3 наурыз күні «Қаражанбас» мұнай айдау стансасының аумағынан итбалықтың күшігі табылды, деп хабарлайды Qaz365.kz.
Бұл туралы «ҚазТрансОйл» АҚ қызметкерлері мәлімдеген.
Кішкентай жануар жағалаудан бірнеше шақырым жерде қар бетінде табылған. Итбалықтың бұл жерге қалай келіп қалғаны белгісіз.
«Теңіз станциядан шамамен 5 км қашықтықта орналасқан, бірақ итбалықтың күшігі үшін бұл едәуір алыс қашықтық. Сірә, ол қарлы бораннан адасып, кері жолды таба алмай қалған болар, — дейді «Қаражанбас» мұнай айдау стансасы жұмысшылары .
Станция қызметкерлері жануарды жағаға дейін жеткізіп, теңізге жіберген.
