Перизат Нұрымова – Алты баланы тәрбиелеп отырған батыр ана
Марқұм Шерзат Полаттың әпкесі Перизат Нұрымованың отбасы баспаналы болды, деп хабарлайды Qaz365.kz .
Мұндай жаңалықты азаматтық белсенді Дінмұхамед Қаматай өзінің әлеуметтік желідегі парақшасында мәлімдеді.
"Шерзаттың бауыры Перизаттың қайғылы жағдайдан кейін отбасы қиын кезеңді бастан өткерді. Қауіпсіздік мәселесі барлығымызды алаңдатты. Осыған байланысты біз оларға қолдау көрсету үшін жаңа үй сатып алдық. Бұл үй тек баспана ғана емес, ол – жаңа өмірдің бастауы. Алты баланың батыр анасы Перизаттың қолдаушысы болған сіздер. Бұл қадам олар үшін жай ғана баспана емес, болашаққа деген сенім мен жаңа өмірге қадам басуға мүмкіндік береді. Қоғамдық бірліктің маңыздылығын көрсету үшін, осындай жағдайда қолдау көрсету әрқайсымыз үшін маңызды. Біз Перизаттың отбасына қиын сәтте көмек көрсетіп, оларды жалғыз қалдырмайтынымызды білдіргіміз келеді. Бұл бастаманы қолдаған барлық жанашырларға алғыс айтамыз!", – деді Дінмұхамед Қаматай.
Перизат Нұрымова да осы игі іске бастамашы болған, қолдаған барша қазақстандықтарға алғысын білдірді.
"Барша халқыма алғысым шексіз. Үлес қосып, бізге көмектескен жанашыр халқыма алғыс айтамын", – деді Шерзаттың әпкесі.
