Видео желіде қызу талқыға түсті
Қазақстан мұсылмандары діни басқармасы Түркістан облысындағы медресе имамының төңірегіндегі оқиғаға қатысты пікір білдірді, деп хабарлайды Qaz365.kz.
Әлеуметтік желіде балаларға аяғын уқалатқан имам желіде қызу талқыға түсті. Оқиға Түркістан облысы Сарыағаш ауданындағы мешітте болған. Оқиға әлеуметтік желілерде тарап, қоғам арасында дау туғызды.
"Қазақстан мұсылмандары діни басқармасы қасиетті орында қоғам наразылығын тудырған әрекетке жол бергені үшін мешіт имамына ескерту жасады. Қазақстан мұсылмандары діни басқармасы еліміздегі барша мұсылман жамағатын құлшылық үйлерінде дауыс көтеріп сөйлемеуге, әдепсіз әрекеттерге жол бермеуге, ұрыс-керіс жасамауға шақырады. Жамағатты барынша мешіт әдебін сақтауға үндейміз", - деп жазылған хабарламада.
