Шененунік қаржы жымқырған
Шымкентте заңсыз жұмсалған қаржы мен мүліктерді мемлекетке қайтару жұмыстары жалғасып жатыр деп хабарлайды Qaz365.kz.
“Шымкентте мемлекеттік қызметкер ұрланған ақшаға зайыбына электромобиль сатып алған”, — деді Сыбайлас жемқорлыққа қарсы іс-қимыл агенттігінің ресми өкілі Данияр Бигайдаров.
Одан бөлек агенттік өкілі Шығыс Қазақстан облысында күдікті тұлға қылмыстық жолмен тапқан қаражатқа сатып алынған автокөлік пен екі пәтерді жұмыссыз туысының атына рәсімдегенін айтты.
“Сондай-ақ Жетісу облысында жүргізілген қаржылық тергеу нәтижесінде жалпы сомасы 2,8 млрд теңге болатын мүлік, соның ішінде қаражат, 6 автокөлік және 1 пәтер анықталып, тәркіленді”, – деді ол.
