Бала кәмелет жасына толмаған
Қостанай қаласының тұрғыны бір бөлмелі пәтерде мас күйінде кәмелетке толмаған жас баланы асқан қатігездікпен өлтіргені анықталды,
Бұл туралы Қостанай облысының прокуратурасы мәлімдеді.
“Ағымдағы жылдың 28 ақпанында Қостанай облысының Прокуратурасы Қостанай қаласында кәмелетке толмағанадамды өлтіру туралы қылмыстық іс бойынша айыптау актісін бекітті . Тергеу барысында 2025 жылғы 9 қаңтарда бұрын бірнеше рет сотталған Қостанай қаласының тұрғыны бір бөлмелі пәтерде мас күйінде болған кезде бірге тұратын әйелінің кәмелетке толмаған ұлын аса қатыгездікпен өлтіргені, содан кейін соңғысын ұрғаны анықталды. Күдіктінің іс-әрекеттері қылмыстық кодекстің 99-бабы 2- бөлігінің 3), 5), 14) тармақтары, 108-1-бабы 1-бөлігі (аса қатыгездікпен жасалған кісі өлтіру, кінәлі адам үшін дәрменсіз күйдегі көрінеу кәмелетке толмаған адамға қатысты және денсаулығына жеңіл зиян келтіру) бойынша сараланады. Қылмыстық іс Қостанай облысының қылмыстық істер жөніндегі мамандандырылған ауданаралық сотына жолданды”, – делінген прокуратура хабарламасында.
Айыптау баптарының санкциясы бойынша он бес жылдан жиырма жылға дейінгі жазаны не өмір бойына бас бостандығынан айыру жазасы көзделген.
