Оған қатысты істе жүзден аса том бар, әр том 180 беттен
Перизат Қайрат өзіне қатысты қылмыстық істе жауап беруден бас тартып отыр, деп хабарлайды Qaz365.kz.
Бұл туралы ҚМА төрағасының орынбасары Жеңіс Елемесов мәлімдеді.
“Перизат Қайрат өзіне қатысты қылмыстық істе делелдемелер келтіру құқығын пайдаланып жауап беруден бас тартып отыр. Сондай-ақ адвокаттары бірнеше рет ауысты. Қазіргі таңда жаңа адвокатпен жұмыс істеуде. Оған қатысты істе жүзден аса том бар, әр том 180 беттен”, – деді Жеңіс Елемесов.
Еске сала кетейік, біз осыған дейін Қаржылық мониторинг агенттігі Перизат Қайраттың әрекеттерінен келген түпкілікті залалдың сомасын атаған болатын.
Перизат Қайрат көктемгі су тасқынынан зардап шеккен азаматтарға көмек ретінде және Палестина тұрғындарына гуманитарлық көмекке жиналған 1,7 млрд теңгеден астам қаржыны жымқырды деп күдікке ілінген болатын.
