Тірі болғанда үш аптадан соң 8-ге толатын еді...
Алматыда жүк көлігі қаққан 7 жасар Айзерені бүгін туыстары ақтық сапарға шығарып салды. Жаназаға қара жамылған отбасының жақындары ғана емес, ауыл тұрғындары түгел келді. Марқұмның туыстары оқушы қызға «жол бермеді» деп, автобус жүргізушісінің де жазаланғанын сұрап отыр, деп хабарлайды Qaz365.kz тілшіс Ktk.kz- ке сілтеме жасап.
Жаназаға жиналған жұрттың қарасы қалың. Бір үйдің үкілеген үміті салынған табыт жаназаға жиналып егіліп тұрған елдің алдында жатты. Жазмыштан жүрегі қан жылаған отбасы автобус жүргізушісінің де жазаланғанын қалайды.
"Автобус жүргізушісінің жазалануын сұраймыз. Ол өліммен аяқталған жол апатына себеп болды. Қатты жылдамдықпен жүйткіп келе жатқанынан бала қорқып, артқа қарай шегінді. Соның кесірінен қарындасым қаза тапты"– дейді Айзеренің ағасы Шухрат Ментеев.
Қазіргі таңда жүк көлігінің 66 жастағы жүргізушісі қамауға алынды. Ал әзірге автобус жүргізушісіне айып тағылған жоқ.
"Қылмыстық іс аясында бір емес, бірнеше сараптамалық зерттеулер, оның ішінде сот автотехникалық, сот медициналық сараптамалар тағайындалды. Оқиғаға қатысы бар болуы мүмкін тұлғалар анықталып, әрқайсысының іс-әрекетіне құқықтық баға беріледі", – деді Алматы қаласы ПД ресми өкілі Салтанат Әзірбек.
Яғни жеке жауапкершілік жайлы және осы іске қатысу деңгейін анықтап тергеуді бастады. Қайғылы жағдайдың болғанын жаяу жүргіншілер жолына қойылған ойыншықтар мен гүл шоқтары да еске салып тұр.
Қаршадай қыздың өмірі қиылған бұл жаяу жүргіншілер жолағында мұндай қайғылы оқиғаның болуы бірінші рет емес. Жергілікті тұрғындар мұнда бұған дейін талай бланың қыршын кеткенін айтады. Қаншама адам опат болса да, әлі бағдаршам орнатылмаған. Бұқара неше жылдан бері елді мекенді жарып өтетін жолға бағдаршам орнатып беруді сұрап жүр. Алайда құлақ асқан жан болмаған.
"Бұл жерде бір жылдың ішінде сегіз өлім болды. 16 тірі қалған жағдай болды. п жатады. Бұл жерге бағдаршам орнату үшін енді қанша баланың өмірі қиылуы керек?" – дейді Айжан Нұрхалиева.
Айзере отбасындағы төрт баланың үшіншісі болған. Яғни, екі әпкесі мен інісі бар екен. Тірі болғанда үш аптадан соң 8 жасқа толар еді.
