Қылмыстық іс қозғалды
Жаркент қаласында жол-көлік оқиғасынан бір адам көз жұмды, деп хабарлайды Qaz365.kz.
Оқиға орнынан түсірілген видео Instagram желісіндегі «VZharkent» парақшасында жарияланды.
Жол-көлік оқиғасы Уәлиханов пен Жібек жолы көшелерінің қиылысында болды.
«Мицубиси жүргізушісі қарсы келе жатқан «Мерседес» көлігімен соқтығысты, осыдан кейін инерция салдарынан жеңіл көлік «Ауди» көлігімен соқтығысты. Апат салдарынан бір адам қаза тауып, зардап шеккен бес адам ауруханаға жеткізілді», - деп хабарлады Жетісу облыстық департаментінің баспасөз қызметі.
Жол-көлік оқиғасына қатысты қылмыстық іс қозғалды. Барлық көлік мамандандырылған тұраққа жіберілді. Қазір тергеу амалдары жүргізіліп жатыр.
