Оны интернетте танысқан бикеш әуежайдан күтіп алу керек болған
Оралда патрульдік полицейлер италиялық азаматқа көмектесті, деп хабарлайды Qaz365.kz.
Бұл туралы ҚР Ішкі істер министрлігінің баспасөз қызметі мәлімдеді.
“Қалада кезекшілік барысында патрульдік полиция инспекторлары Руслан Муксанов пен Манарбек Сатканқұлов орындықта отырған ер адамды байқап қалып, оған жақындап, көмек қажет пе екенін сұрады. 64 жастағы италиялық азамат Аджигирио Грацио Оралға интернет арқылы танысқан қызбен кездесуге келген. Алайда әуежайда оны қарсы алу керек болған қыз күтіп алмаған. Полиция қызметкерлері қамқорлық танытып, шетелдік азаматқа қажетті көмекті көрсетті”, – делінген полиция хабарламасында.
Ал италяндық азамат полицейлердің жанашырлығы мен қолдауы үшін алғысын білдіріп, алдағы күндері Италияға оралатынын айтқан.
