Оқиға 21 сәуір күні кешкі сағат 20:30 шамасында қалалық әкімдік ғимаратының жанында болды.
Белгілі кәсіпкер, Respublica партиясының тең төрағасы Сырымбек Тау Qaz365.kz тілшісіне берген сұхбатында досы Руслан Берденовтің қазіргі жағдайы туралы айтты.
Жағдайы жақсарып келді. Орнынан тұрды, 10-15 қадам жасай бастады. Сөйлей бастады. Ем алуға шетелге жібереміз бе деп ойлағанбыз. Бірақ топ-10 дәрігердің қатарына кіретін шетелдегі мамандардың өзі шымкенттік ақ халаттыларды мақтап жатыр. Өте шұғыл әрі дұрыс ота жасағанын айтты. Күнделікті анализдерін жібердік. Сырттағы дәрігерлер ешқайда әкетудің қажеті жоқ. Шымкентте қала бергені дұрыс деп отыр, - дейді Сырымбек Тау.
Оның айтуынша, Қытай, Оңтүстік Корея, Жапония, Германия, Аустрия дәрігерлеріне хабарласқан. Сондай-ақ кәсіпкер осы іске басты күдікті ретінде ұсталған азаматтың әкесінің айтқан сөзімен келісетінін де жеткізді.
Күдіктінің әкесінің «келінімді араластырмаңдар» деген әңгімесіне қосыламын, - дейді Сырымбек Тау.
Еске салсақ, Шымкент қаласы әкімінің орынбасары Руслан Берденовке қарулы шабуыл жасалды. Оқиға 21 сәуір күні кешкі сағат 20:30 шамасында қалалық әкімдік ғимаратының жанында болды.
Оқиға болған күні күдікті Ернар Жиембай ұсталып, полиция оның үстінен қылмыстық іс қозғады. Күдікті байланысты деген кәсіпорын – «Тұрғын үй Шымкент» – 2016 жылы маусымда тіркелген. Кәсіпорында 21-30 адам жұмыс істейді.
