Құтқарушылар тұрақта тұрған көліктен рептилияны арнайы құралдармен шығарып алған
Шымкент қаласында тұрақта тұрған жеңіл көліктің қозғалтқыш бөлігіне жылан кіріп кеткен, деп хабарлайды Qaz365.kz.
Бұл туралы Төтенше жағдайлар департаменті мәлімдеді.
“Шымкент қ. Еңбекші ауданы Қалтаева көшесінде орналасқан жеке үйдің тұрғыны 112 пультіне үйінде бауырымен жорғалаушының жүргені туралы хабарлады. Екінші хабарлама Шымкент қ. Байтұрсынов көпірінің жанында тұрақта тұрған жеңіл көліктің қозғалтқыш бөлігіне жыланның кіріп кеткені туралы түсті. Құтқарушылар шақырту орындарына жедел жетіп, арнайы құралдың көмегімен 2 рептилияны ұстап алып, азаматтарға қауіп төндірмеу үшін оларды елді мекеннен қауіпсіз жерге жіберілді”, – делінген ТЖД хабарламасында.
ТЖМ қызметкерлері жылан табылған кезде адамдарды орын-жайдан шығарып, жануарды құлыптап, құтқарушыларды шақыруды ұсынады. Жыланды өздігінен ұстау әрекеті қайғылы жағдайға әкелуі мүмкін.
