Видео сот процесінің алғашқы күні түсірілген болуы мүмкін
Сотталушылардың ата-аналары Шерзат Полат тарапының адвокаты Мейірман Шакеевті күдіктілердің күлген сәтін видеоға түсіріп, әлеуметтік желіге жариялады деп айыптаған. Алайда қорғаушы бұл мәлімдемені жоққа шығарды, деп хабарлайды Qaz365.kz.
«Ата-ана болған соң, әр нәрсеге алаңдайтыны түсінікті. Бұл мәселе екі күн бұрын көтерілген. Мен барлық видеоны қарап шықтым – түсірген біз емес. Болжамымыз бойынша, бұл видео сот процесінің алғашқы күні түсірілген болуы мүмкін. Ол кезде сот тарапынан ескерту жасалмаған еді. Сірә, сол кезде түсіріліп, кейін әлеуметтік желіге жүктелген», – деді адвокат.
Айта кетейік, ата-аналар сотталушылардың күліп отырған сәті түсірілген видеоны кім жариялағанын анықтауды талап етіп отыр.
