«Шерзаттың қолында кастет болды»: Әскентай сотта болған жайтты баяндады
Шерзат Полат ісі бойынша өтіп жатқан сот отырысында сотталушылардың бірі – Дархан Әскентай жауап берді. Ол марқұммен арада қандай жағдай болғанын айтып берді, деп хабарлайды Qaz365.kz тілшісі.
Сотта сөйлеген Әскентайдың айтуынша, ол сол күні телефонын қуаттауға Қаржаубайға берген. Кейін құрылғысын алып, ішіндегі хабарламаларды қарап тұрған сәтте Шерзат оның әрекетіне ашуланып, әкесіне бірдеңе айтты деп айыптаған.
«Шерзат менен "әкеме бірдеңе дедің бе?" деп сұрады. Мен не болып жатқанын түсінбей қалдым. "Әкеңнен сұрайық" дегенімде, Шерзат мені оң көзімнен кастетпен ұрып жіберді. Сол сәтте есімді жоғалтып алдым. Кейін Қаржаубай су алып шығып, бетімді жудық. Ол да ұлына ұрысып жатты. Жағдайым нашарлаған соң досым Нұрбол Тоқтаубаевқа хабарласып, "мені алып кет" деп өтіндім», – деді Әскентай.
Ол сотта марқұмның анасына қатысты ешқандай сөз айтпағанын мәлімдеді.
