Айыпталушы Әскентай жауап берген сәтте түсініксіз жағдайда болғанын алға тартып отыр
Шерзат Полат ісі бойынша өтіп жатқан сот процесінде прокурор Дархан Әскентайдан "мойныңа аласың" деген сөзінің мәнін сұрады. Бұл туралы Qaz365.kz тілшісі сот залынан хабарлайды.
«Бәріміз автокөліктен сыртқа шықтық. Сөйлесе бастадық. Сол жерде тұрған жігіттердің барлығы маған "мойныңа аласың" деп айтты. Мен оларға "бір жері сынған болса, өз мойныма аламын" деп айттым», – деген сөзіңіз бар. Жігіттер сізге нақты нені мойныңа аласың деді? – деп сұрады сот барысында Әскентайдан прокурор.
Бұл сауалға жауап берген Әскентай түсініксіз жағдайда болғанын алға тартты.
«Маған неше түрлі сұрақтар қойылды. Жоқ заттар айтылды. Не айтып, не қойғанымды білмей қалдым. Өйткені ИВС-ке келгенде «үйі өртеніп кетті» деген ақпаратты естідім,» – деді ол.
Сондай-ақ, жәбірленуші Бишімбиева сотта Дархан Әскентайдың қолында пышақ болғанын және оны Нұрқанатқа сермегенін айтқан. Алайда сотталушы бұл айыптаумен келіспейтінін жеткізді.
“Қолымда пышақ болған жоқ. Бұл пікірмен келіспеймін, – деді Әскентай.
