Биғазиевпен бірге 24 жастағы Еламан Досқалиев те жәбірленшуінің басынан кемі үш рет соққы жасаған.
Батыс Қазақстан облысында 30 жастағы Дияр Туысовты өлтірді деген айыппен арнайы жасақ қызметкері (СОБР) болған Әлихан Биғазиевке қатысты сот үкімі шықты, деп хабарлайды Qaz365.kz.
2024 жылдың 17 қарашасында 30 жастағы фельдшер Дияр Туысов кісі қолынан қаза тапты. Марқұмның әкесі Берік Иржанов ұлының басынан бірнеше соққы алғанын айтты. Жігіт ауруханада көз жұмды. Марқұмды жерлеген күні оның қызы дүниеге келген болатын.
Іс материалдарына сәйкес, кешкі сағат 23:00 шамасында Диярдың ішімдікке бас қойған достарының бірі кездейсоқ сыныптас қызға қоңырау шалып, қарыз сұраған. Бұл әйелдің жұбайына ұнамай, тараптар телефон арқылы ұрсысқан. Содан кейін әйел інісі Әлихан Биғазиевке қоңырау шалып, түнде мазасын алғандардың үстінен шағымданады. Көп ойланбастан, ол достарымен бірге әпкесін қорлағандарды табуға кірісіп, іздей бастайды. Олардың бірі үйінен табылады. Оны ұрып-соққан ашулы топ мұнымен тоқтамаған. Жолда олар көлікте отырған ер адамдарды көреді, олардың арасында марқұм Туысов та болған.
Биғазиевпен бірге 24 жастағы Еламан Досқалиев те жәбірленшуінің басынан кемі үш рет соққы жасаған.
Айтпақшы, ауруханада соққыға жығылған тағы бір басқа ер адам жатыр. Еламан Досқалиев пен үшінші сотталушы - 19 жастағы Мейіржан Нұрсұлтанов тағы бір ауыл тұрғынын сабаған. Сотта сотталушылар сөз байласу арқылы әрекет еткендерін мойындаудан үзілді-кесілді бас тартты.
Әлихан Биғазиевтың арнайы жасақ қызметкері екені анықталды. БҚО полиция департаменті мен ІІМ қылмыс кезінде ол органда жұмыс істемегенін, одан бұрын жұмыстан шығарылғанын айтты. Алайда олар жұмыстан шығарудың нақты күні мен бұйрық нөмірін көрсетуден бас тартты.
Сот үкімімен Әлихан Биғазиев ҚР Қылмыстық кодексінің екі бабы – «Адамның өліміне әкеліп соққан денсаулыққа қасақана ауыр зиян келтіру» және «Ұрып-соғу»» бойынша бірден кінәлі деп танылды. Оған 10 жылға бас бостандығынан айыру жазасы тағайындалды. Сондай-ақ Еламан Досқалиевты да сот 10 жылға бас бостандығынан айырды.
Ал 19 жастағы Мейіржан Нұрсұлтанов тек «Бұзақылық»бабы бойынша айыпталып, 3 жылға бостандығын шектеу жазасына кесілді.
