Бел тұсында сызықты формалы терісі сыдырылған жара болды.
Талдықорғанда Шерзат Болаттың ісіне қатысты өтіп жатқан сот процесі жалғасты. Бүгін сот-медициналық сарапшысы Өмірбек Жолымбетов марқұм Нұрқанат Ғайыпбаевтың оқиға кезінде алған жарақаттарына қатысты түсінік берді, деп хабарлайды Qaz365.kz.
Тексеру барысында Ғайыпбаевтың сол көзінің астында қабағында мөлшері 3,0 және 1,5 см көгерген түсті қанталау болды. Оң жақ құлақ қалқанындағы өсіндісінде дәл осындай сипатта қанталау болған. Мөлшері – 2,0 және 1,0 см. Шүйде бөлігінде жұмсақ тіндерінің ісініп қабынуы тіркелді. Бел тұсында сызықты формалы терісі сыдырылған жара болды. Оның беті қызыл түсті жұқа қабықпен қапталған. Оның мөлшері 15 және 4,0 см. Оң жақ жамбасы тұсында қиғаш тік жара болған, оның жиектері тегіс, ұштары доғал келген, мөлшері – 1,2 және 0,1 см, - деді Өмірбек Жолымбетов.
Бірақ ол сөзінде, анатомиялық құрылымға сай бұл жарақаттардың тереңдігі шамамен 0,5–1 см болуы мүмкін. Сарапшы зақымданулардың барлығы қысқа уақыт аралығында бір затпен салынғанын атап өтті.
