Шымкентте әйел такси жүргізушісінің көлігінің терезесін кірпішпен сындырған. Әлеуметтік желіде оқиға орнында түсірілген видео тарады, деп хабарлайды Qaz365.kz.
Оқиға 3 маусым күні болған. Әлеуметтік желілерде тараған видеода әйел адамның такси жүргізушісімен жанжалдасып, көліктің артқы және жанындағы терезелерін таспен ұрғаны көрінеді.
Полиция бұл дерек бойынша Қылмыстық кодекстің 202-бабы (бөтеннің мүлкін қасақана бүлдіру) бойынша іс қозғады.
Күдікті уақытша ұстау изоляторына қамалды. Тергеу жүріп жатыр. Сараптамалар тағайындалды. Нәтижесіне қарай процессуалдық шешім қабылданады, – деп хабарлады Шымкент қалалық полиция департаментінің баспасөз қызметі.
