Ол Усолка өзенінің үстінен өтетін көпірден секірмек болған
Павлодар қаласында полиция қызметкерлері қиын жағдайға тап болған жүкті әйелге дер кезінде көмек көрсетіп, оның өмірін сақтап қалды, деп хабарлайды Qaz365.kz.
Бұл туралы Павлодар қаласы полиция департаментінің баспасөз қызметі мәлімдеді.
“102 жедел нөміріне бейтаныс әйелдің Усолка өзенінің үстінен өтетін көпірден секірмек болғаны жөнінде куәгерден хабарлама келіп түсті. Аталған шақырту бойынша оқиға орнына Павлодар қалалық полиция басқармасының патрульдік полиция батальонының қызметкерлері — Талғат Камзин мен Еламан Каримов жедел жетті. Келген бойда полицейлер көпірде отырған әйелді байқап, кәсіби шеберлік пен жедел әрекет етуінің арқасында оны аман алып қалды. Әйел адам жағаға жеткізіліп, алғашқы медициналық көмек көрсетілді. Кейін ол жедел жәрдем қызметіне тапсырылды”, – делінген полиция хабарламасында.
Полиция департаментінің мәліметінше, тәртіп сақшылары күн сайын қызметке кірісе отырып, тек құқық бұзушылықпен күресіп қана қоймай, өмірлік қиын жағдайға тап болған азаматтарға да қол ұшын созуға дайын екендіктерін айтып жеткізген.
