Түркістан облысы Төрткүл ауылында 16 жастағы қызды зорлап, артында өлтірді деген күдікпен бір азамат ұсталған болатын. Күдікті – шетелдік болып шықты, деп хабарлайды Qaz365.kz.
Шетелдік күдікті қамауға алынды. Қазір тергеу жүріп жатыр. Оның барлығын содан кейін айтамыз, - деді бүгін Мәжіліс кулуарында Ішкі істер министрі Ержан Сәденов.
Айта кетейік, 6 маусым күні сағат 07:05-те Түркістан облысы Төрткүл ауылында қыздың мәйіті табылды. Ол колледждің 1-курс студенті. Күдікті ізін суытпай ұсталып, уақытша ұстау изоляторына қамалды. Қылмыстық іс қозғалды. Марқұм жергілікті дүкенде жұмыс істеген, сол күні үйіне қайтып бара жатқан деген ақпарат бар.
Бұған дейін "НеМолчи" қорының жетекшісі Дина Смайылова әлеуметтік желідегі парақшасында ауыл адамдарының Төрткүлде осы оқиғадан соң интернет пен байланыс өшірілді деген хаттарын бөліскен.
