Аптап ыстықтан олардың қан қысымы көтеріліп кеткен
Бүгін Алматы облысы, Жамбыл ауданында ерлі-зайыптылар Қарғалы жотасына шығып, кері түсе алмай қалған, деп хабарлайды Qaz365.kz.
Бұл туралы өңірлік төтенше жағдайлар департаменті мәлімдеді.
“Бүгін Жамбыл ауданы Қарғалы ауылынан ерлі-зайыпты таңертең серуендеуге тауға көтеріліп, ер адамның қан қысымы көтеріліп, өздігінен түсе алмай қалған. Әйелі 112 нөміріне қоңырау шалып, ТЖМ құтқарушыларының көмегіне жүгінді. Шақырту түскен бойда Республикалық жедел-құтқару жасағы оқиға орнына жетіп ерлі-зайыптыны тапты. Құтқарушылар ер адамға алғашқы көмек көрсетті. Кейін оларды түсіріп, медициналық қызметкерлерге тапсырды”, – делінген ТЖД хабарламасында.
Ерлі зайыптылар құтқарушыларға алғыстарын білдіріп, істеріне сәттілік тілеген. Және қолайсыз аптап ыстық ауа-райында тауға дайындықсыз шығып кетпеуді көпшілікке ескертіп отыр.
