Кейін қылмыстық іс қозғалды
Жамбыл облысы Көктал ауылында ағайынды балаларды бірнеше жыл бойы құлдықта ұстаған өгей әкенің қорлығы жайлы ақпарат тараған болатын. Кейін қылмыстық іс қозғалды. Үкімет отырысынан кейін өткен баспасөз конференциясында Оқу-ағарту министрі Ғани Бейсембаевтан балалардың оқу процесіне көптеп қатыспауына қатысты пікір білдірді, деп хабарлайды Qaz365.kz.
«Мұндай кез келген жағдай бойынша Оқу-ағарту министрлігінде бекітілген алгоритм бойынша Балалар құқығын қорғау комитеті тиісті шешім қабылдап отырады. Өзім де осы мәселе бойынша Жамбыл облысы әкімінің орынбасарымен хабарластым. Балаларға ешқандай қауіп жоқ. Тиісті тексеріс жүргізіліп жатыр. Комиссия құлдыққа байланысты ақпарат дәлелденіп жатпағанын айтады. Толық тексерістен кейін жағдайды баяндаймыз. Сол кезде кімнен қателік кеткені бойынша шешім қабылдаймыз», -дейді министр.
Айта кетейік, жақында Жамбыл облысының Талас ауданында кәмелетке толмаған балалардың құлдықта ұсталғаны белгілі болды. Қазақстан ішкі істер министрлігінің ресми өкілі Шыңғыс Әлекешовтің айтуынша, «балаларды құлдықта ұстады» деп күдікке ілінген адам қамауға алынған.
Бұған дейін желіде кәмелетке толмаған екі баланың көмек сұраған видеосы тараған. Видеода балалар мал бағып жүргендерін, телефондарын тартып алғанын айтып, алған жарақаттарын да көрсетеді. Олар Жамбыл облысы Талас ауданында тұрған.
