Алматыда өзіне қол салған Әл-Фараби атындағы Қазақ ұлттық университетінің 1 курс студенті туралы әртүрлі болжамдар айтылған еді. Бүгін Ғылым және жоғары білім министрі Саясат Нұрбек бұл жағдайдың оқу орнымен тікелей байланысты еместігін мәлімдеді, деп хабарлайды Qaz365.kz.
Министрдің сөзінше, қазіргі таңда қылмыстық іс "өз-өзіне қол жұмсауға итермелеу" бабы бойынша тіркелген. Ол бұл трагедияның оқу орны немесе оқу үдерісіне қатысы жоқ екенін атап өтті.
Бұл – отбасылық сипаттағы ішкі жағдай болуы мүмкін. Қазір тергеу амалдары жүріп жатыр. Соттың шешімі шықпай тұрып нақты пікір айту қиын. Жақын күндері ресми ақпарат жарияланады, – деді Саясат Нұрбек.
Еске сала кетейік, 30 шілдеде әл-Фараби атындағы ҚазҰУ студенті университеттің ректораты орналасқан ғимараттың 14-қабатынан секіріп, көз жұмған еді.
