Шымкентте Руслан Берденовтің сотында кезекті куәгерлер жауап беріп жатыр
Шымкент қаласы әкімінің көмекшісі Талап Рахымбердиев Руслан Берденовтің сотында куәгер ретінде жауап берді, деп хабарлайды Qaz365.kz.
Талап Рахымбердиевтің айтуынша, Руслан Берденов басқарма басшыларымен жиналыстарда әрдайым тексеріс жасалатынын, антикор, экономикалық тергеу қызметтерін жіберетінін айтып отырған.
“Жалпы жиналыстың басында Руслан Берденов басқармалардың басшыларына “барлық жерге антикорды жібереміз” дейтін, – дейді ол.
“Жұмыс барысында Жиембайдың жұмысындағы кемшіліктерді немесе Руслан Берденовпен қарым-қатынасы туралы бірдеңе естідіңіз бе?” деген сұраққа куәгер “жоқ” деп жауап берді.
Жиембаймен бір рет қана қоңыраумен сөйлестік. Оқиға болған күні маған өзіміздің басшының орынбасары Тұрғын үй Шымкент ЖШС директоры өз еркімен жұмыстан кететінін айтты. Басқарма басшысының орынбасары Ердәулет Әжібаев мені кабинетіне шақырып айтты. Ернар Жиенбай өз өтініші бойынша жұмыстан кететіні жөнінде. Ернарға хабарласып, “өтінішті жазып па, жоқ па білші” деді. Мен жарайды дедім. Ернарға звандадым. Ол кісі маған бір ай уақыт берген еді ғой деді. “Түсіндім” дедім де, телефон тұтқасын қойдым, – дейді ол.
Еске салайық, Шымкент қаласында әкім орынбасарын өлтірмек болды деген айыппен “ Тұрғын үй Шымкент” директоры Ернар Жиенбайға қатысты 6-тамызда сот басталған еді.
