Олар бұл істің неге тоқтатылғанынан хабарсыз болып шықты
2024 жылдың күзінде қозғалған Қаржаубайдың үйінің өртелгені бойынша қылмыстық іс тоқтатылды, деп хабарлайды Qaz365.kz.
«Қаржаубай Нұрымовтың үйіндегі өрт фактісі бойынша қазіргі уақытта сотқа дейінгі тергеп-тексеру мерзімі ҚР Қылмыстық-процестік кодексінің 45-бабы 7-бөлігінің 5-тармағына сәйкес (құқықтық көмек көрсету жөніндегі процестік әрекеттерді орындалуына байланысты) тоқтатылды», - дейді Алматы облысы прокуратурасы хабарламасында.
Еске салсақ, бұған дейін Шерзат Полаттың ағасы Нұрқанат Ғайыпбаевтың өліміне қатысты іс те тоқтатылған еді. Полиция оның өз-өзіне қол жұмсағанын мәлімдеген.
Орда.кз мәліметінше, адвокат Мейірман Шекеев бұл істің тоқтатылғанынан хабарсыз болғанын айтқан. Олар апелляцияға шағым түсірмек.
