Бүгін Алматы тұрғындарының ұялы телефондарына жер сілкінісі жөнінде ескерту хабарламасы келіп түсті. Онда қауіпсіздік мақсатында ғимараттан шығу қажеттігі айтылған, деп хабарлайды Qaz365.kz.
Төтенше жағдайлар министрлігінің мәліметінше, сілкініс сағат 12:20 кезінде тіркелген.
«Жер сілкінісінің эпицентрі Алматыдан 136 шақырым қашықтықта, Қырғызстан аумағында орналасқан. Магнитудасы – 4,9, тереңдігі – 10 шақырым. Алматыда сілкініс сезілген жоқ», – деп мәлім етті ТЖМ өкілдері.
Мұндай ескертулер Mass Alert атты автоматты жүйе арқылы жіберіледі. Бұл жүйе Алматыда жер сілкінісі 5 баллдан жоғары болған жағдайда тұрғындарға дереу хабарлама таратады.
Мұндай технологияның басты мақсаты – жер сілкінісі кезінде азаматтардың қауіпсіздігін қамтамасыз ету және төтенше жағдайдың алдын алу.
