Ақпаратты ресми түрде Ресей Ішкі істер министрлігі мен Тергеу комитеті растады
Мәскеуде Савёлов вокзалының маңында түнде болған жарылыстан бір полицей қаза тауып, тағы екі қызметкер жараланды деп хабарлайды Qaz365.kz.
Алдын ала мәліметтер бойынша, 24 ақпан күні түнгі шамамен 00:05-те белгісіз ер адам патрульдік автокөліктің жанында болды. Сол сәтте автокөлікке белгісіз жарылғыш зат орнатып, детонация қойған. Куәгерлердің айтуынша, күдікті жарылғыш құрылғыны көліктің сыртына тіркеп, кейін оқиғаны видеоға түсіре бастаған.
Жарылыстан бір инспектор қауіпті жарақат алып, оқиға орнында қаза тапты. Басқа полицейлерге дереу медициналық көмек көрсетіліп, қаланың бір емханасына жеткізілді.
Қылмыскер оқиға орнынан қашып кетті. Қазір Мәскеу полициясы мен басқа құқық қорғау органдары бірігіп, іздестіру шараларын жүргізіп жатыр.
Мамандар жарылғыш құрылғының түрін анықтап, шабуылдың барлық мән-жайын зерттеп жатыр. Қалада арнайы жоспарлар бойынша қауіпсіздік шаралары күшейтілген.
