Екі баланы ата-анасы өз көлігімен облыстық балалар ауруханасына жеткізген
3 наурызда Семей қаласының Шугаев көшесіндегі «Бала Парк» ойын-сауық орталығында алапат өрт болды. Әлеуметтік желілерде ересектер мен балалардың асығыс ғимараттан шығып бара жатқаны көрінетін бейнежазбалар таралды. Медициналық көмекке 6 адам жүгінді, оның ішінде 3 ересек және 3 бала бар, деп хабарлайды Qaz365.kz.
Оқиға орнында 6 адамның үшеуі медициналық тексеруден бас тартып, оқиға орнынан өз еркімен кетіп қалды. Олар қаладағы медициналық ұйымдарға жүгінген жоқ.
«Бір науқас бүйрек орталығына жеткізіліп, иіс газынан улану диагнозымен ауруханаға жатқызылды. Оған қажетті медициналық көмек толық көлемде көрсетілуде. Сондай-ақ, екі баланы ата-анасы өз көлігімен облыстық балалар ауруханасына жеткізген. Тексеру нәтижесінде олардың жағдайы қанағаттанарлық деп бағаланып, үйлеріне жіберілді», – деп мәлімдеді облыстық денсаулық сақтау басқармасы.
Қазіргі уақытта жаңа өтініштер тіркелген жоқ. Медициналық ұйымдар штаттық режимде жұмыс істеп жатыр.
