НАТО-ның Түркиядағы ең ірі әскери базасы
Түркияда наразылар Адана аймағында орналасқан АҚШ-тың Инжирлик әуе базасына басып кіруге талпынды, деп хабарлайды inbusiness.kz сайты.
Оқиға АҚШ-тың Мемлекеттік хатшысы Энтони Блинкеннің Анкараға сапарлауына бір күн қалғанда орын алып отыр.
Әуелі бейбіт басталған жиын соңынан тәртіпсіздіктерге ұласқан. Олар АҚШ-тың әуе базасын жабуды талап еткен.
Тәртіп сақшылары наразыларды газ бен су шашып таратуға тырысты.
Инжирлик – НАТО-ның Түркиядағы ең ірі әскери базасы. Онда тек АҚШ-тың ғана емес, Еуропа елдерінің де әскери күштері орналасқан.
Олар Сириядағы лаңкестерге қарсы соғыс жүргізіп келеді.
