65 жолаушы қауіпсіз жерге жеткізілді
Ақмола облысында полицейлер автобустың бұзылуына байланысты тасжолда қалған шетелдіктерді құтқарды, деп хабарлайды Qaz365.kz.
“14 қаңтарға қараған түні Астана-Петропавловск республикалық автожолында Ресейдің Сургут қаласынан келе жатқан рейстік автобус істен шықты: ауа құбыры жарылды. Көліктердің қозғалысы үшін жабық жолда жүргізуші мен 65 жолаушы қалды, оның ішінде 10 жасар бала мен 14 әйел. Олар – Тәжікстан азаматтары. Шетелдіктерге көмекке аға лейтенанттар Азамат Тулегенов пен Нұрсұлтан Сағандықовтың құрамындағы "Бақай" патрульдік полиция ротасының экипажы келді.Олар оқиға туралы ТЖ құрылымына және жергілікті атқарушы органдарға хабарлады. Полицейлер автобусты қарап, бұзылу себебін тез анықтады”, – делінген баспасөз қызметінің хабарламасында.
Тәртіп сақшылары жүргізушілермен бірге сол жерде ақауларды жойып, автобусты Ақкөл қаласындағы ең жақын жылыту пунктіне дейін алып жүрді.
Мұнда шетелдік азаматтар жолдың ресми ашылуына және қозғалыстың қайта басталуына дейін болады.
