×

Қарағандыдағы пәтерлердің бірінде газ жарылып, тұрғындар үйінді астынды қалды - қаза тапқандар бар

Жарылыс кезінде үйде 35 адам болған

Қарағандыдағы пәтерлердің бірінде газ жарылып, тұрғындар үйінді астынды қалды - қаза тапқандар бар
Фото: әлеуметтік желіден

Қарағанды облысында көпқабатты тұрғын үйде газ баллоны атылып, екі адам қаза тапты, деп хабарлайды Qaz365.kz

Облыстық ТЖД баспасөз қызметінің мәліметінше, қайғылы оқиға 30 қаңтарда 00-07 сағатта Бұқар-Жырау ауданы Ботақара кентінде болған.

«Әуезов көшесіндегі 2 қабатты, 2-ші кіреберісте, 12 пәтерлі тұрғын үйде алдын ала болжаммен тұрмыстық газ баллоны жарылып, кейіннен екінші қабат жартылай қирап қалған. 2-қабатта орналасқан, одан кейін пәтердің, қабырғалары мен төбелерінің, оның ішінде бірінші қабатта орналасқан № 7 пәтердің, жалпы алаңы 300 шаршы метр аумақта шатыр толық құлап қалған. Өрт болған жоқ. Бірінші қабаттағы № 5, 6, 8 және екінші қабаттағы 11, 12 пәтерлер де жартылай зақымданған», – делінген хабарламада.

Үйде барлығы 46 адам тұрса, жарылыс кезінде үйде 35 адам болған.

«Сағат 00-11-ден бастап 03-37-ге дейін құтқару жұмыстары кезінде үйінді астынан 2 өлі және 5 жаралы адам табылды. Түрлі дене жарақаттарымен Бұқар жырау аудандық ауруханасына 3 бала жеткізілді», – делінген хабарламада.

Жергілікті жерде жедел штаб ұйымдастырылды.

Төтенше жағдай орнында 45 адам және 13 техника жұмылдырылды.

Құтқару жұмыстары аяқталды.

Жағдай облыс әкімінің бақылауына алынды.

Қарағанды облысының Төтенше жағдайлар департаментінде 8-7212-517223 сенім телефоны ашылды. 25 азаматқа жедел психологиялық көмек көрсетілді.

Тұрмыстық газ жабдықтарын пайдалану кезінде өрт пен төтенше жағдайлардың алдын алу үшін:

  • 2 қабаттан асатын тұрғын үйлерде газ баллондарын пайдаланбаңыз; үй-жайларды өз бетінше газдандыруды, газ аспаптарын, баллондарды және бекіту арматурасын ауыстыруды және жөндеуді жүргізбеңіз;
  • жұмыс істеп тұрған газ құрылғыларын қараусыз қалдырмаңыз;
  • газдың ағып кетуін тексеру үшін ашық отты пайдаланбаңыз (осы мақсатта сабын ерітіндісін қолданыңыз);
  • балаларға газ аспаптарын пайдалануға жол бермеңіз және оларды қараусыз қалдырмаңыз!

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Алматының бір топ тұрғынын алдаған күдікті Украинадан экстрадицияланды
Бүгін, 17:23

Алматының бір топ тұрғынын алдаған күдікті Украинадан экстрадицияланды

Құқық қорғау органдары оған халықаралық іздеу жариялады

Соңғы жаңалықтар

Барлық жаңалық →