×

Жетісу облысында есепші 34 млн теңге жымқырған

Әкімдік қызметкерлері бюджет қаражатын жымқырған

Жетісу облысында есепші 34 млн теңге жымқырған
Фото: Depositphotos

Жетісу облысында аудандық білім бөлімінің есепшісі 34 млн теңге жымқырғаны анықталды, деп хабарлайды Qaz365.kz.

«Кербұлақ ауданының білім бөлімінің есепшісі 34 млн теңге көлемінде бюджет қаржысын жымқырды деген күдікке ілінді. Ол мұғалімдердің жалақы мен демалыс ақысын жоғарылатып, заңсыз жолмен ақша аударған және жұмыс істемейтін адамдарға да ақша бөлген», – делінген облыстық прокуратура хабарламасында.

Сондай-ақ Сарқан ауданының әкімдігі туристік орындардағы орнатылмаған санитарлық-гигиеналық тораптар үшін 29 млн теңгеден аса ақша төлеген.

Бұл фактілер бойынша Жетісу облысы прокуратурасының сотқа дейінгі тергеп-тексеру басқармасы Қылмыстық кодекстің 189-бабы 4-бөлігі 2-тармағы («Ірі көлемдегі жымқыру») бойынша сотқа дейінгі тергеп-тексеруді бастады.

Айыпталушылардың кінәсі сотта дәлелденсе, олар белгілі бір лауазымды атқаруға немесе белгілі бір қызметпен айналысуға тыйым салынып, 12 жылға дейін бас бостандығынан айырылуы мүмкін.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Енді әйелін ұрып-соққандар айыппұл төлейді
14.06.2024ж. 13:18

Енді әйелін ұрып-соққандар айыппұл төлейді

Әдейі ұрып-соғуға және денсаулыққа жеңіл зиян келтіруге қатысты қылмыстық жауапкершілік көзделген
Видеода екі жігіттің бір-біріне мықтап жабысып, жұдырықтасып жатқанын көруге болады

Соңғы жаңалықтар

Барлық жаңалық →