Дүкен ғимараты опырылып, өртке оранған
Теміртауда дүкенде газ жарылып, ғимарат опырылды, деп хабарлайды Qaz365.kz.
Сағат 08.06-да Теміртау қаласы, Ватутина көшесі, 2 қабатты дүкеннің мекенжайында газ жарылғаны туралы хабарлама келіп түскен.
Дүкен ғимараты опырылып, өртке оранған. Үйінді астынан әйел адам шығарылды (жағдайы нақтылануда), оның айтуынша үйінді астында ер адам бар.
«Тексеру және барлау барысында зардап шеккендердің орналасқан жері алдын ала анықталды. Үйінділерді талдауға кірісті. Жұмыстарға ТЖД жеке құрамынан 17 адам, 5 бірлік техника жұмылдырылды. 23 адам, оның ішінде 5 бірлік техника оқиға орнына бара жатыр», - делінген ТЖМ хабарламасында.
ТЖМ мәліметінше, сағат 09:49-да ғимарат үйінділерінің астынан өмір белгілері жоқ әйел табылды.
