Тобыл өзені аумағынан 4 мыңнан астам адам құтқарылды
Тобыл өзені аумағынан 4 мыңнан астам адам құтқарылды. Бұл туралы Қостанай облысы ТЖД бастығының орынбасары Асылбек Садуов айтты, деп хабарлайды Qaz365.kz.
«Ресей жағынан және өзіміздің су қоймалардағы судың көптігінен Тобыл өзені көтерілді. Әлі күнге дейін адамдарды құтқару және сол маңдағы халықты эвакуациялау жұмыстары жалғасуда. Қазіргі таңда 4 мыңнан астам адам құтқарылды», - дейді Асылбек Садуов.
Оның айтуынша, ең басты қауіп Арқалық, Амангелді, Жанкелді аудандарында болған.
Өңірдегі су тасқынына байланысты жеке құрам. волонтерлер, полиция қызметкерлері сырттан келген Қызылорда, Қарағанды әскери қызметкерлері, жалпы саны 2 мыңнан астам адам қызмет атқарып жатыр. 372 техника жұмылдырылған.
