Мемлекеттік бюджетке ақша қаражатын қайтару бойынша жұмыс жүргізілуде
Степногорск қаласының прокуратурасы қадағалау қызметі барысында мемлекеттік органның қызметкерлеріне негізсіз сыйлықақы төлеу фактілерін анықтады, деп хабарлайды Qaz365.kz.
Мемлекеттік мекеме 2 жыл ішінде заңнамада белгіленген шығыстардың түрлері бойынша үнемдеу болмаған кезде қызметкерлерге 13,4 млн. теңге сомасына негізсіз сыйлықақы бергені анықталды.
«Мысалы, тек 3 айдың ішінде мекеме 6,6 млн. теңге сомасына 6 қызметкерге негізсіз сыйлық берді. Әр қызметкердің сыйлықақыларының мөлшері 1 млн теңгеден асты. Аталған фактілер бойынша қала прокуратурасы мемлекеттік мекеменің атына қадағалау актісін енгізді», – делінген Ақмола облысы прокуратурасының хабарламасында.
Қазір мемлекеттік бюджетке ақша қаражатын қайтару бойынша жұмыс жүргізілуде.
