Журналист қан талдауының нәтижесін айтты
«Бармысың бауырым» хабарының авторы әрі жүргізушісі Қымбат Досжан бельгиялық азамат асырап алған Жәнібекке (Мұрат Савельев) қатысты тың деректі жария етті, деп хабарлайды Qaz365.kz.
Журналист әлеуметтік желідегі парақшасында әйелдер тапсырған қан талдауының нәтижесі шыққанын жазды.
«8 әйелдің анализі нөл пайыз шықты. Қалған екеуінің қан нәтижесін бүгін күтеміз», - деп жазған журналист.
Бұған дейін Қымбат Досжан әлеуметтік желідегі парақшасында Жәнібектің биологиялық анасын іздеу процесі аяқталмағанын әрі ДНҚ анализін тапсырып жатқан аналар бар екенін айтқан еді.
Айта кетейік, 21 жастағы Эдди Жанға дүниеге келгенде Жәнібек деген есім берілген екен. Алайда қазір Эдди Жан өзін Мұрат деп атап жүр. «Бармысың, бауырым?» хабарының жүргізушісі Қымбат Досжан оған анасын табуға көмектесіп бағуда.
