×

Ақтөбеде бұрынғы әйелін өлтірген ер адамға қатысты сот үкімі шықты

Сот үкімімен жәбірленуші тарап келіспеді

Ақтөбеде бұрынғы әйелін өлтірген ер адамға қатысты сот үкімі шықты
Фото: Ақтөбе облысы қылмыстық істер жөніндегі мамандандырылған ауданаралық соты

Ақтөбе облыстық қылмыстық істер жөніндегі мамандандырылған ауданаралық сотында Нұржан Хайруллаевқа үкім шықты. Ол бұрынғы әйелін қылғындырып өлтіріп, оқиға орнынан бой тасалаған, деп хабарлайды Qaz365.kz.

Бүгін Ақтөбе облыстық қылмыстық істер жөніндегі мамандандырылған ауданаралық сотында үкім оқылды.

«Нұржан Хайруллаев Қылмыстық кодекстің 99-бабы 1-бөлігімен кінәлі деп танылып, оған 11 жылға бас бостандығынан айыру жазасы тағайындалсын. Жазасын қылмыстық атқару жүйесінің орташа қауіпсіз мекемесінде өтеу белгіленсін. Жәбірленушінің талап арызы ішінара қанағаттандырылсын. Хайруллаевтан Сағымбаеваның пайдасына 318 062 теңге материалдық шығын, заңгердің көмегіне 500 мың теңге өндірілсін. Хайруллаевтан Сағымбаеваның пайдасына 20 млн теңге моральдық зиян өндірілсін», - деді судья Алтынбек Сабыров.

Алайда сот үкімімен жәбірленуші тарап келіспеді. Олар апелляциялық шағым түсірмек.

«11 жылды аз деп есептейміз. Сіңлім Айбану бар болғаны 26 жаста, өрімдей қыз еді. Артында екі қыз, бір ұлы қалды. Әрі қарай арызданамыз. Әкелік құқығынан айыруға арыз түсіреміз. Балаларын өмір бойы көрмесін. Қазір 6, 5, 3 жастағы балалары менің қолымда. Түнімен жылап шығады, іздейді. (...) Балалардың жағдайы өте қиын», - деді марқұмның әпкесі Сәуле Сағымбаева.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Астанада ер адам терезеден құлап бақилық болды
Кеше, 15:00

Астанада ер адам терезеден құлап бақилық болды

Ақпаратты қалалық Полиция департаменті растады

Соңғы жаңалықтар

Барлық жаңалық →