КамАЗ бен Geely көліктерінің соқтығысуы
20 маусымда сағат 20:00 шамасында Өскемендегі Есенберлин даңғылының бойында теміржол көпірінің маңында адам өлімімен аяқталған жол апаты болды, деп хабарлайды Qaz365.kz.
КамАЗ бен Geely көліктерінің соқтығысуы салдарынан жеңіл көліктің жолаушысы оқиға орнында қаза тапты, жүргізуші түрлі жарақатпен медициналық мекемеге жатқызылды.
"Аталған факті бойынша қылмыстық іс қозғалып, тергеу амалдары жүргізіліп жатыр. Құрметті көлік жүргізушілері, жолда жүру ережелерін қатаң сақтауларыңызды сұраймыз!", – делінген ШҚО полиция департаментінің хабарламасында.
