11 адам түрлі дене жарақаттарымен медициналық мекемеге жеткізілді
14 шілде күні сағат 12:00 шамасында Алматы-Екатеринбург тас жолында Ақшатау кентінен 30 шақырым жерде автобус пен Toyota Estima көліктері соқтығысқан, деп хабарлайды Qaz365.kz.
Оқиға салдарынан Toyota Estima көлігінің төрт жолаушысы мен автобустың бір жолаушысы оқиға орнында көз жұмды.
11 адам түрлі дене жарақаттарымен медициналық мекемеге жеткізілді.
Бұл дерек бойынша қылмыстық іс қозғалды. Тиісті сараптамалар тағайындалды, тергеу жүргізіліп жатыр. Қарағанды облысының полиция департаменті жүргізушілерді сергек болуға және жылдамдық режимінен аспауға шақырады, - деп хабарлады ведомствоның баспасөз қызметі өкілдері.
