Сотталушы билікті асыра пайдаланғаны үшін кінәлі деп танылды
Алматы гарнизонының әскери соты қатардағы сарбаз Досымжан Сәлімжанның өліміне әкеп соқтырған іс бойынша шешім шығарды. Сотта билікті асыра пайдаланғаны үшін кінәлі деп танылған бұрынғы лейтенантқа үкім шықты, деп хабарлайды Qaze65.kz.
Атырау облысынан шақырылған мерзімді қызмет сарбаз Сәлімжан 13 мамырда 29108 әскери бөлімінде Сарыөзек кентінің аумағында қайтыс болған. Бұған дейін Қорғаныс министрлігі оның ата-анасына қолдау көрсетілгенін хабарлаған болатын.
Медициналық сарапшының қорытындысына сәйкес, қатардағы жауынгер аорта аневризмасының жарылуы салдарынан көз жұмған. Айыптаушы тарап сотталушының жас жігітті бірнеше рет ұрғанын анықтады.
Айыпталушы Жанбота Шәкіров марқұмның туыстарынан кешірім сұрап, "өзі прокурорларға барып, есеп бергенін" айтты. Ол сарбаздың өліміне өзін кінәлі деп есептейтінін, "қатыгездікке жол бермейтінін" айтқан.
Сот офицерді 7 жыл бас бостандығынан айыруды тағайындады. Сондай-ақ, сот оны әскери атағынан айыру шешімін қабылдады.
