Ол қызын 2021 жылдың ақпанынан 2023 жылдың мамырына дейін зорлаған
Павлодардың тергеу изоляторында өз қызын зорлады деп айыпталған ер адам жазадан құтылу үшін көзін ағызып жіберген, деп хабарлайды Qaz365.kz тілшісі Orda.kz-ке сілтеме жасап.
Ол жазасын өтеу керек пе, жоқ па, енді медициналық комиссия шешеді. Өз қызын зорлаған әкенің соты бүгін аяқталды. Сот үкімді жариялады.
"1971 жылы туған азамат жыныстық зорлық-зомбылық пен кәмелетке толмаған адамды зорлағаны үшін кінәлі деп танылды. Оған 20 жыл мерзімге бас бостандығынан айыру жазасын тағайындалды. Жазасы орташа қауіпсіздік деңгейіндегі колонияда өтелсін”, – делінген сот үкімінде.
Алайда, сот үкімінің орындалуы әлі де күмән тудырады. Белгілі болғандай, тергеу изоляторында сотталушы оң көзін тырнағымен ағызып жіберген. Осылай ер адам іс жүзінде өзін соқыр еткен. Енді оның ісін денсаулық жағдайын анықтайтын және оны жазасын өтеуден босату немесе босатпау туралы шешім қабылдайтын арнайы медициналық комиссияға жіберу туралы мәселе қарастырылып жатыр.
"Іс материалдарында Алматыда жүргізілген психологиялық-психиатриялық сараптаманың қорытындысы бар. Сарапшылар сотталушы өз іс-әрекетінің сипаты мен қоғамдық қауіптілігін өз жағдайы бойынша түсінеді деген қорытынды жасады. Ол өз-өзін басқара алады", – деп түсіндірді үкім шыққаннан кейін судья Нұрлан Айтбаев.
Ол бар кінәсін мойындап, куәлік беруден бас тартты. Ол барлық қылмыстарды мас күйінде жасағанын айтып түсіндірді.
Іс материалдарына сәйкес, ол қызын 2021 жылдың ақпанынан 2023 жылдың мамырына дейін зорлаған.
