Журналистердің «Не ішіп-жедіңіз?» деген сұрағына жауап берді
Түркияның Хатай провинциясында он бір күннен кейін үйінді астынан аман табылған 17 жастағы қыз Алейна Өлмезге алғашқы дәрігерлік көмек көрсетілді. Алейнаны қараған дәрігерлер таңданысын жасырмады, деп хабарлайды Qaz365.kz.
«Адам сенгісіз жағдай. 248 сағат, яғни он бір күннен кейін келді. Дене мүшелері, бүйрегі сияқты мүшелерінің өзгеріске ұшырамай бізге келуі қатты таңғалдырды. Денсаулығы да өте жақсы. Алғаш келген кезде «қалайсың» деп сұрағанымда, бірден «жақсымын» деп жауап берді. Әрине, уақыт өткен сайын жақсарып келеді. Өте жақсы қазір», - деді дәрігер.
Журналистердің «Не ішіп-жедіңіз?» деген сұрағына Алейна «Жанымда ештеңе болмады, өз-өзіммен уақыт өткізуге тырыстым» деп жауап берді.
Бұған дейін 17 жастағы Алейна Өлмездің 248 сағаттан кейін аман табылғанын жазған едік.
Тағы оқыңыз: “Есімсіз” деп тіркейміз: дәрігерлер зілзалада ата-анасынан айырылған балалармен қалай жұмыс істейтінін айтты
