Бұл балалар теміржолы 1979 жылы ашылып, кейін 90 жылдардың ортасына қарай жабылған
Семейде балалар пойызы жүре бастады. Жаңартылған балалар теміржолы Бейбітшілік аралында пайдалануға берілді, деп хабарлайды Qaz365.kz тілшісі Qazaqstan TV – ға сілтеме жасап.
Бейбітшілік аралында жаңа қоғамдық кеңістік салтанатты түрде ашылды.
“Қоғамдық кеңістікте балалар ойын алаңдары, футбол, волейбол, стритбол алаңдары мен воркаут аймағы бар. Пойыз аралдың әсем жерлерін аралап, жолаушыларға Ертіс өзенінің әдемі көріністерін тамашалауға мүмкіндік береді.Бірінші кезеңде теміржол ұзындығы 2 шақырым болады.Тепловоз бен вагондар теміржол техникасына маманданған Қамбар машина жасау зауытында дайындалды. Ұзындығы 12 метр болатын әр вагонда 32 орын бар”, – делінген орталықтың хабарламасында .
Балалар теміржолы 1979 жылы ашылған, алайда 90 жылдардың ортасына қарай жабылған еді. Енді бүлдіршіндердің игілігіне қайта беріліп отыр.
